'''Базел II''' ([[англиски]]: ''Basel II'') или '''Нова базелска спогодба''', е наследник на првата [[Базелска спогодба]] за [[капитал]]от. НоватаTaa базелска капитална спогодба претставувала еден од најголемите предизвици пред кои се наоѓала [[банкарска супервизија|банкарската супервизија]] на меѓународно ниво. Станува збор заe комплексна методологија за утврдување на [[адекватност на капиталот|адекватноста на капиталот]], којашто во голема мера одговара и произлегува од тековните состојби на [[финансиски пазари|меѓународните финансиски пазари]]. Имено, појавата и развојот на новите [[банкарски производи]] и инструменти и новите методи за управување со банкарските [[Ризик|ризици]] наметнале потреба за сериозни промени во Капиталната спогодба од 1988 година, со која се воспоставуваат основните принципи за утврдување на потребниот износ на капитал за покривање на ризиците на кои е изложена една [[банка]] во своето работење. Како резултат на ваквите движења и промени, [[Базелски комитет за банкарска супервизија|Базелскиот комитет за банкарска супервизија]] во 1999 година го започнал процесот на ревизија на Капиталната спогодба, заради развивање на нова рамка за утврдување на капиталната база.<ref name="НБРМ">[http://www.nbrm.mk/?ItemID=99EA95A639A86F4682E16C268EFFBF1C Нова капитална спогодба (Базел II)], [[НБРМ]].</ref> Во 2004 година, Базелскиот комитет го усвоил конечниот текст и го објавил документот „Базел II: Меѓународнa конвергенција за мерење на капиталот и капитални стандарди: ревидирана рамка“ (International Convergence of Capital Measurement and Capital Standards: А Revised Framework),<ref>BCBS, „International Convergence of Capital Measurement and Capital Standards: A Revised Framework“, Basel Committee on Banking Supervision, Basel, 2004.</ref> а во јуни 2006 година, Комитетот го објавил документот „Базел II: Меѓународнa конвергенција за мерење на капиталот и капитални стандарди: ревидирана рамка-сеопфатна верзија“ (International Convergence of Capital Measurement and Capital Standards: А Revised Framework - Comprehensive Version)<ref>BCBS, „International Convergence of Capital Measurement and Capital Standards: A Revised Framework-Comprehensive Version“, Basel: Basel Committee on Banking Supervision, Basel, 2006.</ref> чија службена примена почнала кон крајот на 2006 година.
