Јурмала: Разлика помеѓу преработките

Јурмала бил познат како бањска дестинација уште од крајот на 18. век и почетокот на 19. век. Богатите земјопоседници ја започнале традицијата да одмараат на приморјето, а руските војници доаѓале да одморат по [[Наполеонови војни|Наполеоновите војни]], враќајќи се подоцна со своите семејства. Врвот на развојот на областа било отварањето на железничката линија Рига - Тукумс во 1877 година, (која сѐ уште поминува низ Јурмала) со што дошло до пораст на бројот на посетители, како и до пораст на развојот на градот како летувалиште. Јурмала исто така се здобил со реноме како здравствено одморалиште. Морското ветре, боровиот мирис, минералните извори и песочните плажи биле причина за развој на многу санаториуми во рамките на градот.

Најкарактеристичен архитектонски белег во Јурмала е распростанетоста на дрвени куќи кои датираат од крајот на 19. век и првата половина од 20. век. Поголемиот дел од градбите биле изградени од [[балтички германци|балтичко германски]] и латвиски архитекти, но исто така постојат градби на руски, фински и други архитекти. Архитектурата на Јурмала се одликува со класицизам, национален романтизам, и со модерни стилови. Градот има список од 414 заштитени историски градби, како и преку 4,000 дрвени објекти.