Стерјо (Иван) Боздов - Ѓуша биле роден на 7 јануари 1902 година во [[Крушево]], каде заршил основно образование. Гимназиското образование го започнал во Крушево, а го завршил во Битола, во јуни 1922 година, и веднаш се запишал на медицински студии во [[Виена]], [[Австрија]]. По четири ислушани семестри, во 1924 година поради немање материјални средства заминал во [[Белград]], каде ги продолжил студиите по медицина на Белградскиот универзитет. Таму Боздов почнал да се дружи и да дејствува во рамките на Младешка македонска тајна револуционерна организација (ММТРО), поради што на Скопскиот студентски процес во 1928 година бил осуден на пет години затвор. Во декември 1930 година излегол од затвор и се повлекол од политичкиот живот. Во 1933 година ги завршил студиите во Белград, и се стекнал со титула доктор по медицина.<ref>д-р Марјан Димитријевски: „Д-р Стерјо Боздов прв декан на медицинскиот факултет“, Скопје, 2017,, стр. 28-29</ref> Се вратил во родното Крушево, каде работел како семеен лекар во мала приватна ординација.
