Блаже Миневски

Блаже Миневски (роден 1961 год. во Гевгелија) е македонски раскажувач, романсиер и драмски автор. Дипломирал на интердисциплинарните студии по новинарство на Правниот факултет - Скопје. Како новинар работел во повеќе весници и списанија. Сега е репортер во списанието „Фокус“. Член е на Друштвото на писателите на Македонија.

Литературно творештво

• „Солзи во очите на тате“ (раскази, 1984)
• „Ниски вежби“ (раскази, 1988)
• „Црниот пердув“ (роман, 1990)
• „Заседи за белиот сон“ (раскази, 1992)
• „Ледно око“ (раскази, 1996)
• „Балкан за деца“ (роман, 1996)
• „Требаше да се сликаме пред да се замразиме“ (роман, 1998)
• „Сезона на глуварките“ (раскази, 2001)
• „Приказна за третиот“ (роман, 2003)
• „Нишан“ (роман, 2007).

Автор е на драмите:

„Крик“, изведена во 1991 година; „Лулка“, изведена во 1992 година; „Женски прилог за ноќта“, изведена во 1993 година; „Подготовки за добра смрт“, изведена во 1994 година; „Немушт јазик“, изведена во 2000 година.

Сите драми на Блаже Миневски се објавени во книгата со наслов „Бивши луѓе“ (2000).

Добитник на високи новинарски признанија: наградата „Крсте Мисирков“ на Здружението на новинарите на Македонија (два пати) и два пати прва награда за репортажа на „Нова Македонија“.

Добитник на книжевните награди „Рациново признание“, „Стале Попов“, „Роман на годината“ и повеќе награди за расказ.

Застапен во сите понови антологии на македонскиот расказ.

Негови дела се преведени на англиски, француски, српски, бугарски, шпански, турски и албански јазик.