Велбуждска битка

 

Битката кај Велбажд ( бугарски: битка при Велбъжд; српски: Битка код Велбужда) е битка што се случила меѓу бугарските и српските војски на 28 јули 1330 година, во близина на градот Велбужд (денешен Ќустендил).

Зголемената моќ на српското кралство од крајот на 13 век предизвика сериозна загриженост кај традиционалните балкански сили Бугарија и Византиската империја кои се согласиле за заеднички воени акции против Србија во 1327 година. Три години подоцна најголемиот дел од бугарските и српските војски се судриле кај Велбужд и Бугарите беа изненадени. Српската победа го обликуваше односот на силите на Балканот во следните две децении. Бугарите не изгубиле територија по битката, но не биле во можност да го запрат српскиот напредок кон Македонија. Србија успеа да ја освои Македонија и делови од Тесалија и Епир достигнувајќи најголема територијална експанзија досега. Нивниот нов крал Стефан Душан беше крунисан за император со бугарска помош во 1346 година.

Сепак, неколку децении по смртта на Душан во 1355 година, неговата империја се распадна како и Бугарија по смртта на Иван Александар во 1371 година и двете држави беа уништени од отоманските Турци .