Трката започнала на 5 август, што било годишнина од смртта на белгискиот возач Бјорг Ламбрехт на последното издание на трката, а завршила на 9 август, по пет одржани етапи.[2][3] Трката првично требало да се одржи од 5 до 11 јули, но била одложена поради пандемијата на коронавирусот. Во чест на Ламбрехт, бројот 143, кој бил носен од Ламбрехт во 2019 година, бил повлечен од трката.[4]
Откако се одвоил на четвртата етапа и ја освоил етапата со над минута и пол, белгискиот возач Ремко Евенепул од Декојнинк-Квик Степ се одржал со солидно водство пред данскиот возач Јакоб Фуглсанг од Астана и британскиот возач Сајмон Јејтс од Мичелтон-Скот и ја посветил победата на колегата Фабио Јакобсен, кој паднал на првата етапа и се здобил со сериозни повреди. Освојувајќи ја трката со 20 години и 197 дена, Евенепул станал трет најмлад победник и втор најмлад различен победник, на Трка околу Полска по Дариуш Барановски, кој ја освоил трката во 1991 и во 1992 година со 19 и 20 години, соодветно.[5]
Бидејќи Трката околу Полска е настан од Светската турнеја, сите деветнаесет UCI World Tour екипи биле автоматски поканети и се обврзани да учествуваат на трката.[6] Покрај полската национална екипа, уште две други професионални континентални екипи настапиле, со што главната група имала 22 екипи. Секоја од екипите имала по седум возачи, со што почетната група броела 154 возачи.[7][8] Од нив, 138 возачи ја завршиле трката.[9]
На Трката околу Полска 2020 биле доделени четири различни маички. Генералниот пласман бил пресметуван преку додавање на завршните времиња на секој возач по секоја етапа, дозволувајќи временски бонуси за првите тројца на средните спринтови (три секунди за првиот, две секунди за вториот и една секунда за третиот) и на крајот на сите етапи: етапниот победник освојувал десет секунди бонус, додека вториот и третиот, шест и четири секунди соодветно.[10] Предводникот на генералниот пласман ја добивал жолтата маичка;[11] бил сметан за најважен пласман на Трката околу Полска 2020 и победникот на пласманот бил сметан како победник на трката.
Постоел и планински пласман, каде што водството било означено со сина маичка со точки.[11] Во планинскиот пласман бодови се добивале со пристигнување прв на врвот на некое искачување пред другите. Секое искачување било категоризирано од прва, втора, трета или четврта категорија, каде што повеќе бодови имало на повисоките категоризирани искачување. Удвоени бодови се добивало на искачувањето на премиер прва категорија на завршната етапа.[12]
Дополнително, постоел и спринтерски пласман, каде се доделувала белата маичка.[11] Во боводниот пласман, велосипедистите добивале бодови ако завршиле меѓу првите дваесет на етапата.[13] За победа на етапата се освојувало 20 бода, со еден бод помалку до 1 бод за 20. место.[13] Четвртата и последна маичка го претставувала пласманот за активен возач, означен со сина маичка.[11] Ова било одлучувано на средните спринтови, каде што се доделувале бодови во скалата 3-2-1.[12]
Постоел и пласман за полски возачи.[14] Се пресметувал и екипен пласман,[15] каде што се земале времињата на најдобрите тројца возачи од секоја екипа по секоја етапа; водечката екипа на крајот на трката била онаа со најмало вкупно време.
На втората етапа, Камил Малецки, кој бил трет во генералниот пласман, ја носел жолтата маичка, бидејќи првопласираниот Фабио Јакобсен и второпласираниот Марк Саро не ја започнале етапата поради повреди.
На втората етапа, Лука Мезгец, кој бил трет во спринтерскиот пласман, ја носел белата маичка, бидејќи првопласираниот Фабио Јакобсен и второпласираниот Марк Саро не ја започнале етапата поради повреди.
На втората етапа, Јулиус ван ден Берг, кој бил втор во планинскиот пласман, ја носел сината маичка со точки, бидејќи првопласираниот Камил Малецки ја носел жолтата маичка како најдобро пласиран возач во генералниот пласман, кој ја започнал втората етапа.
.jpg)
Полска.svg){kind=small}
Ремко Евенепул (Декојнинк-Квик Степ) 
Јакоб Фуглсанг (Астана) .svg){kind=small}
Сајмон Јејтс (Мичелтон-Скот) 
Лука Мезгец (Мичелтон-Скот) 
Мичелтон-Скот 
_pictogram.svg){kind=small}
Фабио Јакобсен 
Ричард Карапас 
Давиде Балерини 
