'''Монокотиледоните''' ([[Латински јазик|лат.]] ''Liliopsida, Monocotyledones, Monocotyledoneae''; [[Англиски јазик|англ.]] ''monocots'') ја образуваат втората најголема класа на [[скриеносемени]] (цветни) [[растенија]]<ref name="ШАБ">{{книга|author=Шипунов А. Б.|частьurl=Однодольные|title=Биология : Школьная энциклопедия|urlfirst=|ответственный=Белякова Г. и др|location=М.|publisher=БРЭ|year=2004|page=|page=990|isbn=5-85270-213-7|location=М.|page=990|pages=|author=Шипунов А. Б.}}</ref>. Монокотиледоните се група која се состои од околу 50 000 видови, 2800 родови и 60 фамилии, што е околу ¼ од вкупното [[Биоразновидност|разнообразие]] на цветни растенија. При крајот на XX и почетокот на XXI век, [[Ботаника|ботаничарите]]-систематичари го зголемиле бројот на фамилии на монокотиледони со разделување на постоечките, така што во некои класификациски системи растенијата од ,,старата‘‘ фамилија на [[лилјани]]те се распоредени во неколку десетици фамилии. Најмногубројна фамилија во рамките на групата образуваат [[орхидеи]]те (20 100 видови<ref name="ШАБ" />), кои се одликуваат со многу сложени, прекрасни [[цвет]]ови. На второ место според бројност на видови е економски важната фамилија на [[треви]] (10 000 видови<ref name="ШАБ" />). Други поголеми фамилии образуваат: [[острици]]те (5300 видови), [[палми]]те (2800 видови) и [[аруми]]те (2500 видови).
