Емоџи

Емоџи (од јапонски: 絵文字, преку англиски: emoji, ед. емоџи) се идеограми и смешковци кои се користат во електронски пораки и на веб-страници. Примери за емоџи се 😃, 😭 и 😈. Тие постојат во различни жанрови, на пр.: изрази на лице, често користени предмети, места, климатски појави и животни. Слични се на емотиконките, но емоџите се слики, додека емотиконките типографски претстави. Поимот емоџи во најстрога смисла на зборот означува слики кои може да се претстават со кодирани симболи, но понекогаш се проширува да ги опфати и налепниците од пораки. Првично поимот емоџи означувал пиктограф и потекнува од јапонските зборови e (絵, "слика") + moji (文字, "симбол"). Неговата сличност со зборовите емоција или емотиконка е целосно случајна.

Првите емоџи биле користени на јапонски мобилни телефони во 1997 година, а оваа појава постанала светски позната во 2010тите кога била додадена на неколку мобилни оперативни системи. Сега тие се сметаат за голем дел од западната популарна култура. Во 2015 година, Оксфордските речници го прогласија емоџито „Лице со солзи радосници“ (😂) за Збор на годината.