Брегова ластовичка: Разлика помеѓу преработките

Бреговата ластовичка е долга 13-14 cm см, распонот на крилјата е 28 cm см и тежи околу 14 грама. Таа е кафеаво сивкаста од горе, бела од долу со кафеав појас на градите; и нејзините бои не се толку контрастни како кај другите ластовици. Клунот е црн и има кафеави нозе. Младите имаат црвенкасти делови на пердувите.

Нејзиниот кафеав грб, белиот врат и краткиот и брз отсечен лет ги изделува од сличните ластовички, како што е [[Градска ластовичка|градската ластовичка]] (''Delichon urbicum''), [[Карпеста ластовичка|карпестата ластовичка]] (''Petrochelidon pyrrhonota'') и од другите видови ластовици. Само видот ''R. cincta'' од [[Сахара]] е слична, но бреговата ластовичка таму се појавува само во зима, па затоа повторно лесно се распознава.

Бреговата ластовичка живее во големи колонии и таму ги прави гнездата. Од десетици до многу стотици парови гнездат многу блиску едни до други, зависно од просторот што им е на располагање. Гнездата ги прават на вертикални земјени брегови од реки, избирајќи поровка и мека земја. Нејзиното име всушност потекнува од таму. Гнездото претставува хоризонтална дупка во вертикален земјен ѕид, со отвор од 6 до 8 cm см и должина до 1,5 m. Го копаат наизменично и мажјакот и женката со своите нозе. На крајот од дупката се наоѓа комората која е малку проширена и каде го сместуваат гнездото во кое ставаат сламки, мов, сува трева и пердувчиња. Несат 2 - 5 бели јајца. Родителите наизменично ги лежат јајцата во период од 13 до 15 дена. Родителите пилињата ги хранат со инсекти, и по 3 недели, младенчињата го напуштаат гнездото. За разлика од другите ластовици, бреговите ластовички најчесто имаат само едно легло годишно. Тие се моногамни птици.