[[File:Бозгунова Пештера 03.jpg|thumb|250п|лево|Отворот на Бозгунова Пештера]]
Бозгуновата Пештера се наоѓа на источните наклони на [[Сува Планина]], над [[Патишка Река]]<ref name="Манаковиќ">{{наведено списание|last=Манаковиќ|first=Душан|year=1973|title=Пештери и пропасти во Скопската котлинаКотлина|journal=Географски видик|publisher=Географско друштво на СР Македонија|location=Скопје|page=30|language=македонски}}</ref>. Поточно, пештерата е сместена веднаш десно над патот во делот каде што се наоѓаат викенд-куќите пред самиот почеток на селото Патишка Река. Веднаш од патот кон десно покрај едно бачило започнува мала пешачка козја патека која пробивајќи се низ шумата, достигнува до еден карпест предел на средина од падината каде што се наоѓа отворот на самата пештера. Отворот на Бозгунова Пештера се наоѓа на надморска височина од 1150 метри<ref name="Манаковиќ" />. Во долината на [[Патишка Река]], односно нејзиното породолжение [[Сува Река (Скопска)|Сува Река]], најпозната е токму пештерата Бозгуни, која всушност претставува прва пештера на просторот помеѓу [[Матка (кањон)|кањонот Матка]] и долината на [[Маркова Река]], чии истражувања се објавени во научната и стручна литература уште во 1928 година.
