'''Шпицбершките Острови''' или '''Свалбард''' се [[архипелаг|група на острови]] во [[Северен Леден Океан|Северниот Леден Океан]], околу 635 kmкм северно од [[Норвешка]], а североисточно од [[Гренланд]]. Зафаќаат површина од 62,422 kmкм<sup>2</sup>, а имаат околу 4,500 жители (главно [[Норвежани]] и [[Руси]]). Главно место е [[Лонгјир]], важно пристаниште. Останати гратчиња се [[Грин Харбор]] и [[Нов Олесунд]]. Најголеми острови се [[Западен Шпицберген]] и [[Североисточен Остров|Североисточниот Остров]]. [[Клима]]та е арктичка, ублажена со топлата [[Голфска струја]]. Средната зимска температура е околу -18°С, а летната околу 6°С. Островите се претежно планински, а најголем врв е [[Њутнов Врв|Њутновиот Врв]], висок 1,717 m; се наоѓаат под многубројни [[ледник|ледници]], длабоки [[фјорд]]ови. Богати се со [[камен јаглен]]. Од [[животни]]те ги има [[Бела мечка|белите мечки]], [[ирвас]]ите и [[Поларна лисица|поларните лисици]].
Со [[Шпицбершки договор|Шпицбершкиот договор]] од [[1920]] година е призната сувереноста на [[Норвешка]] над архипелагот, кој од [[1925]] година станува составен дел од Норвешка.
