Гоглин: Разлика помеѓу преработките

Maкедонскиот револуционер [[Ѓорче Петров]] во делото [[Материјали по изучувањето на Македонија]] врвот Гоглин го смета за посебна огранка на целиот [[Козјак (планина)|Козјачки]] планински масив, при што пишува дека почетокот на таа огранка се нарекува ''Гоглин,'' а долниот растурен дел носи разни месни називи. На картите целата огранка е означена со името ''Страцинска Планина'', според с.Страцин, кое што е растурено по целата нејзина источна падина, но ја именува целата Гоглин според името на нејзиниот највисок дел, како што направив и со другите планински вериги. Гоглин ги одделува Кумановското и Паланечкото Поле и заедно со тоа служи за предел меѓу Кумановско, Паланечко и Кратовско. Во својот источен крај, таа се одделува од [[Билино]] со долот на Германската Река, откај запад се одделува од Козјак со долот на реката Петровчица, а тесниот дол во долниот дел на Крива Река го одделува нејзиниот јужен дел од западните краеви на Лисец и од довезенската планина Липец. Со таквата расположеност таа се  гледа од целото Кумановско Поле, како некоја тапа возвишеност, која што постепено се снижува накај Крива Река и кој го заградува видикот од исток. Јасно се гледа и од Кратовско: штом се излезе малку над градот Кратово и се заврти  на запад, пред очите се испречуваат бели голини со пустиновиден изглед пред кои штокоишто во летно време воздухот сјае и трепери, како што трепери воздухот над оган запален летно време на отворено  место. Поголемиот дел од пониските  планини во Скопско, се голи, еднолични и пустиновидни на изглед, но таков мрачен, пустински и одвратен изглед нема на ниту една од нив! Гоглин се одделува од она место на Козјак, каде што тој се  нарекува ''Перан''. Во почетокот Гоглин сосема наликува на Перан и на Билино. Бидејќи ја има истата височина и исглед со нив, огранката од почеток не се распознава од главната верига.