Пингвин: Разлика помеѓу преработките

'''Пингвините''' ({{науч|Spheniscidae}}) се група водни нелетачки птици од [[ред (биологија)|редот]] '''пингвиновидни''' (''Sphenisciformes'') кои живеат речиси исклучиво на [[јужната полутопка]]. Бројот на видови изнесува помеѓу 17 - 20, зависно од класификацијата. Спротивно на популарното уверување, само мал број видови живеат на [[Антарктик]]от. Повеќето видови, барем 10, живеат во потоплите предели, а еден вид е домашен на [[Галапагос]], на [[Екватор]]от.

Најголемиот вид е [[Царски пингвин|Царскиот пингвин]] - возрасните се високи околу 1,1 м и тешки и над 35 кг. Најмал е [[мал син пингвин|малиот син пингвин]] кој расте околу 40см и тежи околу 1кг. Некои преисториски видови растеле многу поголеми, приближно со димензии на возрасен човек и нивни фосили се најдени по целата јужна полутопкиа, сè до 2000 [[км]] јужно од [[Екватор]]от.

Пингвините се одлично приспособени на водниот живот. Крилјата им еволуирале во перки, неупотребливи за летање во воздух, но всушност пингвините нуркаат под вода како да летаат. Пловноста им е зголемена бидејќи задржуваат слој од воздух внатре во ситните пердуви кои им го покриваат телото. Овој слој од воздух им обезбедува и изолација во студените води. На суво, пингвините одржуваат исправена положба и рамнотежа со помош на крилјата и опашката.

Сите пингвини се двобојни, одзади црни, а однапред бели, што им обезбедува камуфлажа од водните предатори. Додека пливаат, гледани одоздола, белата боја се претопува со одблесокот од површината, а одозгора црната боја се претопува со темното дно.

Пингвините нуркаат со брзина од 6-12 [[км/ч]], но понекогаш можат да достигнат и до 27 [[км/ч]]. Малите пингвини не нуркаат многу длабоко, но големите можат да нурнат и до 500-600 м. Можат да останат под вода повеќе од 20 минути.

При движењето на суво, пингвините или се тетерават на двете нозе, или се лизгаат на стомакот. По потреба можат да скокнат на двете нозе.

Можат да пијат солена вода бидејќи имаат посебна супраорбитална (лат.''„над очите“'') жлезда која делува слично на бубрезите и ја филтрира солта од крвта.<ref>{{цитирана веб страница | url=http://www.zoo.org/educate/fact_sheets/penguin/penguin.htm | title=Animal Fact Sheets | accessdate=2006-07-21}}</ref><ref>{{цитирана веб страница | url=http://www.stlzoo.org/animals/abouttheanimals/birds/penguins/humboldtpenguin.htm | title=Humboldt Penguin :: Saint Louis Zoo | accessdate=2006-07-21}}</ref><ref>{{цитирана веб страница | url=http://users.iafrica.com/b/bo/boulders/Vans%20book.htm | title=African Penguins and Penguins of the World | accessdate=2006-07-21}}</ref> Солта потоа се излачува како концентрирана течност низ носните канали.

Кога ќе се разделат од партнерот или од младенчето, пингвините се наоѓаат со довикување, дури и во многу големи јата.

Некои видови пингвини живеат во семејство со еден партнер доживотно, други во текот на една сезона. Генерално може да се рече дека пингвините се сериски моногамни, односно исклучиво со еден партнер за определен период. Обично секоја година снесуваат по едно јајце, и двајцата родители се грижат за квачење на јајцето и за одледување на пилето. Родителите наизменично одат по храна во морето.

Претците на современите пингвини живееле уште во времето на диносаурусите - пред околу 65 милиони години во областите на [[Нов Зеланд]] и [[Антарктик]]от. Најстариот фосил е ''ваиману манеринги'' кој живеел во раниот [[палеоцен]] на Нов Зеланд, или пред околу 62 милиони години. Иако не бил прилагоден на водната средина како денешниот пингвин, овој ваиману исто така не можел да лета, и крилата му биле трансформирани во перки<ref>Slack ''et al.'' 2006</ref>.

Пингвините се многу популарни кај луѓето, пред сè поради нивниот исправен тетерав од и карактеристична боја и форма. Нивното бело-црно перје потсетува на свечен машки костум. Кај туристите се многу омилени бидејќи слободно им приоѓаат.

Пингвините се предмет на многу забавни и уметнички дела, како нпр. анимираниот филм [[Среќни стапала]] и документарниот филм [[Марш на пингвините]].