За време на [[Римско царствоЦарство|царството]] религијата во Рим еволуирала на многу начини. Мноштво странски култови добиле на популарност, како на пример обожувањето на египетската божица [[Изида]] и [[Иран|персискиот]] бог [[Митра]]. Важноста на царскиот култ постојано се зголемувала, достигнувајќи го својот зенит за време на [[Кризи во третиот век|третиот век]]. Исто така, [[христијанство]]то почнало да се шири низ царството, нагло забрзувајќи се во вториот век. И покрај прогонствата, христијанството постојано добивало свои следбеници. За време на [[Константин I]] тоа станува официјална религија. Во [[391]] сите култови освен христијанството биле забранети со закон од царот [[Теодосиј I]]. Меѓутоа, дури и во четвртиот и петтиот век, римското паганство успеало добро да се одржи. [[Римски храм|Храмовите]] биле сѐ уште посетувани често, и така старите верувања и обичаи продолжиле да живеат.
