Синајски Полуостров: Разлика помеѓу преработките

За разлика од [[Левант]]от (денес во Сирија, Либан, Јордан, Израел, Јудеја и Самарија (Западниот Брег) и Појасот Газа), кој низ историјата бил предмет на судири помеѓу Египет и државите од [[Месопотамија]] (Вавилонија, Асирија, Митани) и Мала Азија ([[Хетитско царство|Хетитското царство]]), Синајскиот Полуостров бил постојан дел од Египет уште од првата династија (~3100 г. п.н.е.), па сè до XX век. Како и остатокот од Египет, полуостровот потпаѓал под власта на странските сили како што се [[Отоманско царствоЦарство|Отоманското царство]] и [[Велика Британија]] (1882-1956). Синај е подоцна окупиран од [[Израел]] за време на [[Суецка криза|Суецката криза]] (во Египет наречена „Тројна агресија“ поради усогласените напади на Британија, Франција и Израел) во 1956 г., како и во [[Шестдневна војна|Шестдневната војна]] од 1967 г. На 6 октомври 1973 г. Египет ја започнал [[Јомкипурска војна|Јомпкипурската војна]] за да си го поврати полуостровот, во што успеал по многубројни жестоки борби. По Египетско-израелската војна од 1973 г. и Израелско-египетскиот мировен договор од 1979 г., во 1982 г. Израел конечно се повлекол од последното упориште на Синајскиот Полуостров. Денес Синај е [[туризам|туристичко одредиште]] поради природните знаменитости, богатите [[корален гребен|корални гребени]] и [[библија|библиската историја]]. [[Синајска Гора|Синајската Гора]] пак, е едно од најважните места во аврамските религии.

Управните области [[Северен Синај]] и [[Јужен Синај]] опфаќаат околу 60.000 км² и имаат население од 597.000 жители (2013). Доколку се вклучи Западен Синај, односно деловите од областите [[Порт Саид (област)|Порт Саид]], [[Исмаилија (област)|Исмаилија]] и [[Суец (област)|Суец]] што се протегаат источно од Суецкиот Канал, тогаш населението достигнува 1.400.000 жители.