Езотерична космологија: Разлика помеѓу преработките

'''Езотерична космологија''' е [[космологија]] која е суштински дел од [[езотерија|езотеричниот]] или [[окултизам|окултниот]] систем на размислување. Речиси секогаш се занимава со овие теми: [[еманација]], [[инволуција]], [[еволуција]], [[епигенеза]], нивоа на постоење или повисоки светови (и нивната еманација и поврзаноста меѓу нив), хиерархија на духовните суштества, космички циклуси (на пример, космичка година, [[југа]]), [[јога]] или духовни техники за самоподобрување, и [[мистика|мистични]] и алтернативни состојби на свеста.

Езотеричната космологија покрива многу од темите со кои се занимаваат [[религиозна космологија|религиозната космологија]] и [[филозофска космологија|филозофската космологија]], како на пример почетокот, целта и судбината на [[универзум]]от, на [[свесност]]а и на постоењето. Поради тоа, понекогаш е тешко да се одреди каде завршува [[религија]]та или [[филозофија]]та, а започнува [[езотерија]]та и [[окултизам|окултизмот]]. Сепак, езотеричната космологија се разликува од религијата во својата пософистицирана градба на мислата, која е интелектуално сфаќање, а не верба, а од филозофијата според истакнувањето на техниките за духовна трансформација.