Сонцето како народен симбол на [[Македонија]] и [[Македонци]]те има долга историска традиција. Тоа било официјален симбол на [[Античка Македонија|древномакедонското]] царство и македонската кралска династија [[Аргеади]] на која припаѓале најпознатите македонски цареви [[Филип II Македонски|Филип]] и [[Александар Македонски]]. Познатата [[Ѕвезда од Кутлеш]] која симболизира сонце со 16 зраци била пронајдена на ковчег на кралската гробница на Филип Македонски, а исто така сличен приказ со помал број на сончеви зраци се пронајдени и на бројни борбени штитови кај гробницата во [[Старо Бонче (археолошкиархеолошко локалитетнаоѓалиште)|Старо Бонче]] и други места ширум [[Македонија]]. Сонцето е присутно и во народното творештво односно во голем број умотворби како песни, приказни, потоа во градителството и уметноста на фасади и внатрешноста на куќите, цркви, фрески, икони, а било присутно како симбол и во национално-ослободителната борба и движење, особено видливо во знамето на [[МНЛД|Македонското научно-литературно другарство]] на [[Крсте Мисирков]] и [[Димитрија Чуповски]]. Грееењето на сонцето е исклучително важно за создавањето на неопходната светлина, топлина и температура за нормален живот на земјата, односно за нормално одвивање на сите природни и билошки процеси на луѓето, животните, растенијата и водата во природната средина без што е невозможен опстанок и живот на планетата<ref name="Шаревски" />. Од друга страна, сонцето подеднакво без никакви поделби и дискриминации грее за сите луѓе и живи суштества на планетата<ref name="Шаревски" />. Оттаму, симболиката на сонцето е многу космополитска, слободољубива, либерална, демократска, егалитаристичка, општочовечка — особини кои во голема мера се застапени и во традициите на [[Македонија]], [[Македонци|македонскиот народ]] и граѓани, кои од секогаш мирољубиво живееле без никому да наштетуваат под едно исто сонце<ref name="Шаревски">{{наведена мрежна страница|url=http://212.13.64.43/?ItemID=C9B9D3EFFF38F645A9BB120C9025E9BD|title=Под исто сонце|last=[[Корисник:Македонец|Шаревски]]|first=Марио|date=01 април 2013|publisher=Дневник|language=македонски|accessdate=24 јануари 2016|location=Скопје}}</ref>.
