Најдалечното потекло на кларинетот допира до инструментите со јазиче од трска – во [[стара Грција]] (аулос), па и порано, во [[Стар Египет|Египет]] и на други места. Современиот кларинет се развил кон крајот на 17. век, со усовршување на еден вид [[шалмај]]. Веќе во 18. век (пример, кај [[Моцарт]]) е богато користен, а влегол и во класичниот оркестарски состав. Технички е усовршен во текот на 19. век, кога многу го користеле композиторите [[Романтистичка музика|романтичари]]. Во [[Македонија]] музички дела за кларинет пишувале повеќе композитори, меѓу кои најпознати се делата за оркестарски и соло кларинет на [[Тома Прошев]], [[Димитрије Бужаровски]], [[Томислав Зографски]], [[Панде Шахов]] и други.<ref>[http://www.socom.com.mk/index.php?option=com_content&view=article&id=300%3A2009-04-02-16-43-18&catid=&Itemid=89 СОКОМ]</ref>
