Борење: Разлика помеѓу преработките

Борењето е еден од најстарите и најпопуларните спортови. Од 708г. п.н.е. овој спорт е дел од древните олимписки игри.

 

 

Како традиционален спорт борењето постојано се развивало, така што денес имаме голем број на стилови и правила, од сумо борење, џудо, до разни варијанти на слободни стилови. Борењето често се користи во воена обука т.н. борба гради во гради. За сите стилови постои едно заедничкото правило дека е забрането да се удира противникот со раце, нозе, лакти и глава, како и неспортски потези како гребење, гризење, удари кон гениталиите и сл.

Борбата се одвива на боречки подлоги со пропишани димензии во присуство на судии. Од опрема борачите користат специјални трикоа и соодветни лесни обувки, а понекогаш се користат и специјални штитници за ушите, за да се спречат повреди на ушите при поцврсти зафати.

 

 

Борењето е олимписки спорт присутен во античките и модерните олимписки игри. За разлика од минатото, кога борбата траела со часови, сега трае 2 рунди по 3 минути.

 

Во 2012 г. на Олимпијадата во Лондон учествувале 344 борачи, кои се бореле за 11 златни медали.