'''Симеон Кавракиров''' ([[Солун]], [[16 ноември]] [[1898]] - [[Семково]], [[14 јуни]] [[1934]]) бил македонски револуционер, припадник на [[ВМРО (Обединета)]] и член на [[БКП|Бугарската комунистичка партија]].
Образованието го започнува во родниот град. Во [[1919]] година се преселува во [[Софија]], кадештокаде што студира право на Софискиот универзитет. Во [[1920]] година станува член на [[Бугарска комунистичка партија|БКП]] и [[Емигрантски комунистички сојуз|Емигрантскиот комунистички сојуз]]. Од [[1924]] година работи во [[Пловдив]] каде раководи со месниот комитет на БКП и воената организација. По нејзиното пропаѓање во мај [[1925]] година е осуден на една и пол година затвор. Влегува во [[ВМРО (Обединета)]] и од [[1928]] година е секретар на Обласниот комитет на организацијата, а од [[1929]] година раководител на третата револуционерна област ([[Пиринска Македонија]]). Под името Павел работи по создавање групи на ВМРО (Об.) на територијата на Пиринска Македонија. На [[8 јуни]] [[1932]] е киднапиран од бандити на [[ВМРО (Автономистичка)|ВМРО]] и две години e држан во робија. По деветнаесетомајскиот преврат [[1934]] година е убиен од нив во местото [[Семково]], [[Рила|Рила планина]].
Неговото име го носи селото [[Кавракирово|Орман]], Петричко, од [[1951]] година.
