Во август 2000-та во [[Баренцовото море]] се одржувала голема воена вежба во која биле вклучени четири подморници, крстосувачот „Пјотр Велики“ и флотила од помали бродови. Курск испловил за да изврши вежба со испалување на вежбовни торпеда кон крстосувачот „Пјотр Велики“. На 12. август 2000, во 11:28 по локално време (07:28 [[УТЦ]]) Курск ги испалил торпедата, но брзо потоа дошло до експлозија во подморницата. Единствениот веродостоен извештај до денес е дека експлозијата настанала како резултат на оштетување на едно од торпедата кое било погонувано од [[хидроген-пероксид]]. Хемиската експлозија имала сила еквивалентна на 100-250кг [[ТНТ]], и создала потрес од 2,2 степени по [[Рихтеровата скала]]. По експлозијата подморницата потонала до длабочина од 108м, на околу 135км од Североморск, на координати {{coord|69|40|N|37|35|E}}. По 135 секунди, првата експлозија била проследена со втора, поголема, која создала потрес од 3,5-4,4 степени по Рихтеровата скала, еквивалентно на 3-7 тони ТНТ.<ref>[http://www.geotimes.org/feb01/kursk ''Forensic seismology''].Retrieved on 2007-08-08.</ref> Една од тие експлозии исфрлила големи парчиња метал кон внатрешноста на подморницата.
