[[Податотека:Sv.Spas-Skopje-charshija.JPG|thumb|250px|left|Поглед на источниот ѕид на црквата]]
Во дворот се влегува низ тешката и опкована дабова порта и во него доминира едноставниот камен [[саркофаг]] во кого се сместени посмртните остатоци на големиот македонски револуционер и борец за слобода [[Гоце Делчев]] (1872-1903). Црквата е тробродна, средниот брод е засводен, страничните се рамни и покриени со штици во коцки, додека во западниот дел е подигната галерија за жени. На јужниот зид, повисоко од денешното ниво на подот, во текот на поправката на црквата 1963-64 год., е откриен живопис од XVI-XVII век. И токму овој ѕид зборува за дел од историјата на оваа црква подигната во XVI век. Во текот на XIX век црквата го добила својот дефинитивен изглед. Во 1824 год. бил довршен иконостасот, а во [[1867]] год. бил изработен дел од престолните икони. За изведување на иконостасот и иконите, свој придонес дале занаетчиските еснафи и трговци од Скопје.
