'''Јагленот''' е зеленчуксилно согорлива црна или црно-кафеава [[седиментна карпа]]. Се состои главно од [[јаглерод]], [[јаглеводород]]и како и од други елементи, вклучувајќи [[сулфур]]. Заедно со битумијата ја сочинуваат групата карпи позната као каустобиолити. Настанале во текот на геолошката историја од остатоци на вишите растенија. Според степенот на карбонификација, може да биде: хумусен, лигнит, мрк, камен јаглен и антрацит. Јагленот е [[фосилно гориво]] кое се добива од земјата преку јамски и површински коп. Често поврзуван со [[Индустриска револуција|индустриската револуција]], јагленот останува исклучително значајно гориво. Тој е најзначајното гориво за производство на [[електрична енергија]] (во [[термоелектрана|термоелектраните]]) во светски размери, и витална компонента за редукцијата на [[железо|железната]] руда. Во Македонија е една од главните енергетски суровини. Во периодот по педесеттите години од [[XX век]], со заострувањето на нафтената криза, се започна со интензивно геолошко истражување на јаглени. Истражувањата беа позитивни и се откриени огромни резерви на лигнит. Најголеми резерви се докажани во пелагонискиот басен со 1.400.000.000 тони, потоа следуваат беровско-делчевскиот, ресенскиот, струшкиот, катлановскиот и кичевскиот басен. Во пелагонискиот басен се изградени и првите термоенергетски капацитети кои во моментов се стожер на електростопанскиот систем. Во кичевскиот јагленоносен басен активно работи еден термоблок (Осломеј). Новите резерви овозможуваат изградба на „Битола 4“ која ќе биде поврзана преку инфраструктури со „Битола 3“, што ќе придонесе за помали инвестиции.
==Јагленот како тема во уметноста и во популарната култура==
