Јохан Тарчуловски: Разлика помеѓу преработките

Основното образование Јохан Тарчуловски го завршил во основното [[училиште]] „[[Петар Здравковски - Пенко]]“. Средното образование го продолжил во земјоделското средно училиште „[[Браќа Миладиновци]]“. По завршувањето на средното училиште во [[1993]] до [[1994]] година заминал на отслужување на воениот рок во касарната „Илинден“ во [[Скопје]]. Во младоста, тој бил познат како водач на „Комитите“, навивачката група на [[ФК Вардар|ФК „Вардар“]].<ref>Ирена Мулачка, „Хашкиот „херој“ врти бизнис од 300.000 евра!“, ''Фокус'', број 11101100, 4 ноември 2016, стр. 20-23.</ref> Во [[2004]] година се запишал на студии на Правниот Факултет на [[Универзитет ФОН|ФОН]].

Во [[2005]] година од страна на Хашкиот трибунал бил осуден на 12 години [[затвор]]. Според обвинението, полициската единица под команда на Јохан Тарчуловски влегла во селото [[Љуботен (Скопско)|Љуботен]], утрото на [[12 август]], и застрелале и убиле шест невооружени етнички [[Албанци]], а десетмина од нив биле подложени на понатамошни тепања кај [[Полиција|полицискиот]] контролен пункт на влезот од селото и подоцна во полициската станица „[[Мирковци]]“ во [[Скопје]]. Како последица на ова, еден од нив починал. Освен тоа, припадниците на полициската единица намерно запалиле најмалку 14 куќи во селото,<ref>Ирена Мулачка, „Хашкиот „херој“ врти бизнис од 300.000 евра!“, ''Фокус'', број 11101100, 4 ноември 2016, стр. 20-23.</ref> што причинило сериозна штета на тие куќи. Истиот ден, околу 90 етнички Албански мажи кои бегале од селото биле подложени на сурово постапување од други припадници на полицијата кај полицискиот контролен пункт во близина на селото, и подоцна во неколку полициски станици во Скопје, во Основен суд Скопје 2 и Градската болница во Скопје.

Тарчуловски бил екстрадиран во [[Хаг]] на [[16 март]] [[2005]] година. Обвинителниот акт во случајот „Љуботен“ бил поднесен на [[15 март]] [[2005]] година, а јавната расправа започнала на [[16 август]] [[2007]] година.<ref>''Обвинителен акт против Љубе Бошковски и Јохан Тарчуловски, 15 март 2005, изменет и дополнет на 2 ноември 2005 (http://un.org.icty)''</ref> На судењето, Тарчуловски бил осуден на затворска казна во тарење од 12 години, која подоцна му била намалена на осум години. Притоа, тој отслужил шест години во затворот во [[Шевенинген]], а останатите две години во градот Диц, [[Германија]]. На [[10 април]] [[2013]] година, Тарчуловски бил ослободен од затворот. Притоа, при неговото враќање дома, на аеродромот го пречекале премиерот [[Никола Груевски]], највисоките раководители на ВМРО-ДПМНЕ, неговото [[семејство]] и илјадници поддржувачи, а прославата продолжила на плоштадот во Скопје. Исто така, премиерот Груевски и претседателот [[Ѓорге Иванов]] му приредиле официјален пречек во своите кабинети, оддавајќи му почит за жртвата што ја поднесол за својата татковина.<ref>Ирена Мулачка, „Хашкиот „херој“ врти бизнис од 300.000 евра!“, ''Фокус'', број 11101100, 4 ноември 2016, стр. 20-23.</ref>

По враќањето во Македонија, Тарчуловски станал организациски секретар на ВМРО-ДПМНЕ. Истовремено, тој дипломирал на Земјоделскиот факултет на [[Универзитет „Гоце Делчев“|Универзитетот „Гоце Делчев“]]. Според податоците од Централниот регистар, Тарчуловски е сопственик на [[Трговско друштво|трговското друштво]] „Мел-Ком транс“ [[Друштво со ограничена одговорност со едно лице|ДОЕЛ]], регистрирана со претежна дејност патен транспорт, а чиј управител е неговата сопруга Соња Тарчуловска. Фирмата била основана на [[21 јули]] [[2008]] година (додека Тарчуловски се наоѓал в затвор), а била регистрирана со почетен паричен влог од 10.000 [[Евро|евра]] и непаричен влог од 22.000 евра. Во [[2014]] година, фирмата остварила вкупен приход од 269.733 евра и вкупни расходи од 261.159 евра, додека во 2015 година, вкупните приходи изнесувале 343.729 евра, а вкупните расходи 336.192 евра.<ref>Ирена Мулачка, „Хашкиот „херој“ врти бизнис од 300.000 евра!“, ''Фокус'', број 1100, 4 ноември 2016, стр. 20-23.</ref>