Македонски фронт: Разлика помеѓу преработките

▲'''Македонскиот фронт''' (познат и како '''Солунски фронт''' или '''Јужен''') е фронт на територијата на [[Македонија]], на која што се водат вооружени судири во текот на [[Првата светска војна]] помеѓу силите на [[Антанта]]та и [[Централни сили|Централните сили]], во периодот од октомври [[1915]] до септември [[1918]] година. Фронтот се протега од демаркационата линија кај [[Охрид]] (меѓу градот и манастирот [[Свети Наум]]), преку планината [[Галичица]], [[Преспанско Езеро|Преспанското Езеро]], сртовите на планините [[Баба (планина)|Баба]], [[Ниџе]] (Кајмакчалан) и [[Беласица]], долж реката [[Места]] се до Орфанскиот залив во [[Егејското Море]]. Јужно од оваа линија се стационирани силите на Антантата (француски, британски, српски, а подоцна и италијански и грчки единици), а северно од неа се групите на Централните сили (бугарски, германски и австро-унгарски единици).

▲На [[15 септември]] [[1918]] година силите на Антантата предводени од францускиот маршал [[Франше Д'Епере]] (наследникот на Сарај), започнуваат силна офанзива против бугарската Трета дивизија од составот на германската Втора армија на просторот Ветерник - Сокол. Борбите се пренесуваат во [[Пелагонија]], на десниот брег на реката [[Вардар]], [[Црна Река]] и во реонот на [[Дојран]]. Под жестокиот притисок на сојузниците бугарско-германските трупи се приморани на повлекување кон север и бугарската граница. Сојузниците заземаат повеќе делови во [[Вардарска Македонија|вардарскиот дел на Македонија]]. На [[29 септември]] [[1918]] година [[Бугарија]] е принудена да потпише примирје согласувајќи се да ја напушти Вардарска Македонија. Ги задржува само [[Пиринска Македонија]] и Струмичката област со градот [[Струмица]], која ќе ја загуби подоцна во корист на [[Србија]] со [[Нејски мировен договор|Нејскиот мировен договор]] од [[1919]] година.