'''Рила''' е наjвисоката [[планина]] во [[Пиринска Македонија]], цела [[Бугарија]] и на [[Балкански Полуостров|Балканскиот Полуостров]]. Таа се наоѓа во југозападниот дел на земјата, и во северозападниот крај на [[Рилско-родопски Масив|Рило-родопскиот планински масив]]. Највисокиот врв на Рила планина е [[Мусала]], и со своите 2.925 м е и највисокиот на Балканскиот Полуостров.<ref name="БТИС">[http://www.bg-tourinfo.com/rila.htm Български туристически информационен сайт/Рила]</ref> По сртот на Рила поминува главниот бугарски слив, кој се совпаѓа со главниот балкански слив, кој ги дели речните сливови на [[Црно Море|Црното]] и [[Егејското Море]]. Од планината извираат едни од најголемите и многуводни бугарски реки: [[Искар]], [[Марица]] и [[Места]]. Просечната надморска височина на Рила е 1.487 м, а вкупната површина е 2.629 км<sup>2</sup>. Поголемиот дел од високите врвови (2.500 - 2.700 метри [[надморска височина]]) имаат алпски изглед. Типичен пример е [[Маљовица]]. Остатокот, особено во Источна Рила, претставуваат планински ливади.
