Грегорија: Разлика помеѓу преработките

Избришана содржина Додадена содржина
нс
(нема разлика)

Преработка од 10:33, 13 август 2015

Грегорија била византиска царица, сопруга на императорот Константин III Ираклиј.

Грегорија била ќерка на Никита, прв братучед на царот Ираклиј I. Никита зел учество во бунтот на Ираклиј против императорот Фока. Таткото на Грегорија бил на чело на војниците кои во 608 година започнале инвазија во Египет, борејќи се против силите на [Фока (византиски цар)|Фока]] во оваа провинција. Никита воспоставил контрола над Египет во 610 година.

На 5 октомври 610 година Фока бил соборен од власт и погубен, а на престолот се качил Ираклиј. По зазимањето на престолот, Ираклиј му ја дал на Никита титулата патрициј и го назначил за командант на својата гарда. Освен тоа таткото на Никита ја задржал контролата над Египет до 618 година, кога покраината била освоена од Персија на чело со Хосрој II. По поразот во Египет, Никита станал егзарх на Африка, позиција која останал до својата смрт во 628-629 година.

Грегорија била свршена за император Константин III Ираклиј, единствен син на императорот Ираклиј и неговата сопруга Фабија Евдокија. Константин бил соимператор на својот татко од 22 јануари 613 година.

Бракот меѓу Грегорија и Константин III бил склучен околу 629-630 година. Во тоа време младоженецот имал седумнаесет години. Веројатно Грегорија била на речиси иста возраст. За свадбата таа пристигнала во Константинопол од Западен Пентаполис во провинцијата Киренајка, територии кои биле под контрола на нејзиниот татко. По брачната церемонија таа станала мала царицата, втора во хиерархијата по царицата Мартина (втората сопруга на Ираклиј).

Грегорија и Константин III имале три деца:

  • ќерка, мажена за персиски шах
  • Констанс II Ираклиј
  • Теодосиј - погубен по наредба на својот брат во 659/653 година


Император Ираклиј починал на 11 февруари 641 година, а престолот бил наследен од Константин III, кој владеел како виш император заедно со полубратот Ираклион. Константин III сепак починал од туберкулоза помеѓу април и мај истата година. Во септември Ираклион бил соборен од власт и бил заменет од синот на Грегорија, Констанс II Ираклиј. Не е познато сепак каква улога извршила таа за време на владеењето на нејзиниот син.