Софија Тренчовска: Разлика помеѓу преработките

Основно и средно економско училиште завршила во родниот град. Дипломирала на [[Филолошкиот факултет „Блаже Конески“|Филолошкиот факултет „Блаже Конески“]] при Универзитетот „Св. Кирил и Методиј“ во Скопје, каде посетувала и постдипломски студии (теза „Митопоетиката во раните драми на Јордан Плевнеш“). По професија е дипломиран филолог по македонска и јужнословенска книжевност, со општа и компаративна книжевност.

Извесно време работела како новинар во културната редакција на дневниот весник [[Вечер (дневен весник)|''Вечер'']] каде што пишувала текстови од областа на образованието, литературата и филмот и направила интервјуи со повеќе значајни личности од културата и уметноста.

Била ангажирана во подготовка и приредување на повеќе книжевни изданија, а од основањето (2007) е уредник на електронското издание “Проект Растко – Македонија“.<ref> [http://www.vecer.mk/kultura/besplatni-knigi-na-portalot-rastko „Дигитална библиотека: Бесплатни книги на порталот Растко“], ''Вечер'', 10 март 2008</ref> Учествува на меѓународни симпозиуми и научни собири. Пишува и објавува текстови од областа на книжевноста и уметноста во повеќе периодични печатени и електронски списанија, меѓу кои: ''Премин, Акт, Mediantrop'' и др.