Лазар Колишевски: Разлика помеѓу преработките

Во текот на својата политичка кариера, Колишевски бил на различни државни и партиски функции и игра важна улога во политичките настани и општествените процеси во [[СРМ]] и [[СФРЈ]]. На [[Петти конгрес на КПЈ|Петтиот конгрес на КПЈ]], одржан во [[јули]] [[1948]] година, тој бил избран за член на Централниот комитет на КПЈ. Исто така, бил избиран за народен пратеник во сите состави на републичкото и сојузното собрание од [[1945]] до [[1972]] година. Од [[1963]] до [[1967]] година бил претседател на Сојузниот одбор на [[Социјалистички сојуз на работниот народ на Југославија|Социјалистичкиот сојуз на работниот народ на Југославија]]. Од [[1967]] до [[1972]] година бил член на [[Совет на Федерацијата|Советот на Федерацијата]], а од [[1972]] до [[1984]] година бил член на [[Претседателство на СФРЈ|Претседателството на СФРЈ]]. По смртта на [[Јосип Броз Тито]], на [[4 мај]] [[1980]] година, Колишевски, како тогашен потпретседател на Претседателството на СФРЈ, станал претседател на Претседателството, но на таа должност останал само неколку денови.<ref>„Архивата на Лазо Колишевски до 300.000 страници во МАНУ е тајна дури и за лустраторите“, ''Дневник'', година XVIII, број 557965596, понеделник, 20 октомври 2014, стр. 2-3.</ref> Поради редовната ротација на функциите, веќе на [[15 мај]] [[1980]] година, должноста претседател на Претседателството ја презел претставникот на [[Босна и Херцеговина]].

По падот на [[Комунизам|комунизмот]], Колишевски се повлекол од јавниот живот и до крајот на животот живеел како пензионер. По неговата смрт во 2000 година, неговата лична архива од 300.000 страници била оставена на чување во МАНУ, каде со неа раководи посебен одбор.<ref>„Архивата на Лазо Колишевски до 300.000 страници во МАНУ е тајна дури и за лустраторите“, ''Дневник'', година XVIII, број 557965596, понеделник, 20 октомври 2014, стр. 2-3.</ref> Во негова чест, во паркот во [[Свети Николе]] е поставен негов споменик.