'''Плакенска Планина''' или '''Пространска Планина''' — средновисока [[планина]] во [[Западна Македонија]] со динарски правец на протегање сз–јиСЗ–ЈИ.<ref>{{наведена книга|last=Milošević|first=Miodrag|title=Geografija Jugoslavije|publisher=Naučna knjiga|date=1967|edition={{римски|3}}}}</ref> Највисок врв е [[Плаке]] (1.999 м), по којшто некои ја нарекуваат „Плакенска Планина“, а висок е и врвот [[Коњарник]] (1.919 м). Во источното подножје се наоѓа селото [[Прострање]] по што се нарекува и „Пространска Планина“. Се протега помеѓу долината на [[Боишка Река]] и [[Демир Хисар]] на исток и котлината [[Дебарца]] на запад. Кон југ [[било]]то на Плакенската Планина продолжува во [[Бигла (планина)|Бигла]]. Геолошкиот состав е претставен со кристалести шкрилци преку кои лежат тријаски варовници. Кон запад течат Голема и [[Коселска Река]], а кон исток [[Пространска Река|Пространска]], [[Вировска Река]] и [[Големача]], притока на [[Боишка Река]]. Планинските страни се под шума, а високите делови под планински пасишта<ref>{{цитирана книга|last=Павловски|first=Јован|title=Ми-Анова енциклопедија: М-П|publisher=Книгоиздателство МИ-АН|date=2006|isbn=ISBN 9989-613-91-5, 9789989613913}}</ref>.
