Карл Фридрих Шинкел: Разлика помеѓу преработките

Шинкел е роден во [[Нојрупин]] во [[Маркгрофовија Бранденбург|Маркгрофовијата Бранденбург]]. На шестгодишна возраст го изгубил татка си, во катастрофалниот пожар во Нојрупин. Учел архитектура во [[Берлин]] кај [[Фридрих Жили]] (1772–1800) (станале блиски пријатели) и татко му, Давид Жили. По првата посета на Италија во 1805, Шинкел се вратил во Берлин и почнал да работи како сликар. Во 1816, работејќи како сценограф, ја изработил ѕвездестата позадина за сцената со „Кралицата на ноќта“ од [[Волфганг Амадеус Моцарт|Моцартовата]] опера „[[Волшебната флејта]]“. При посета на берлинската уметничка изложба, Шинкел ја здогледал сликата „[[Талкач над морето од магла]]“ од [[Каспар Давид Фридрих]] и заклучил дека самиот тој никогаш нема да стане таков мајстор, па конечно се насочил кон архитектурата. По поразот на Наполеон, Шинкел бил назначен на чело на Пруската градежна комисија. На оваа функција бил задолжен да го преуреди сè уште невелелепниот град Берлин и да го претвори во достојна метропола на [[Прусија]]. Работел и на поголеми задачи, водејќи крупни градежни проекти ширум проширените пруски територии од [[Рајнска област|Рајнската област]] на запад до [[Кенигсберг]] (Калининград) на исток.