Сурјективна функција: Разлика помеѓу преработките
Создадена страница со: Во математиката, '''сурјективна функција''' е функција (математичко образование)|ф... |
(нема разлика)
|
Преработка од 20:44, 18 февруари 2014
Во математиката, сурјективна функција е функција f : A → B со следната особина. За секој елемент b од кодоменот B постој барем еден елемент a од доменот А таков што f(a)=b, т.е. кодоменот и сликата на f е истото множество.[1][2]
Терминот сурјективност и сродни термини инјективност и бијективност беа воведени од страна на Никола Бурбаки (Nicholas Bourbaki)[3] (и група главно други француски математичари од 20-тиот век) кој напиша серија книги за презентирање на модерна напредна математика, со почеток во 1935 година. Францускиот префикс сур значи над или одозгоре и се однесува на фактот дека сликата на доменот на сурјективна функција целосно го покрива кодоменот на функцијата.
Основни своиства
Формално имаме:
- е сурјективна функција ако таков што
Примери
Елементарни функции
Нека f(x):ℝ→ℝ е реална функција y од реален аргумент x. (Значи влез и излез се броеви.)
- Графичко толкување на сурјективност: секоја хоризонтала права треба да го пресекува графикот на сурјективна функција во (барем) една точка.
- Аналитичко толкување на сурјективност: за било кој реален број yo постои (барем еден) реален број xo таков што yo=f(xo).
Наоѓање на xo за даден yo е еквивалентно со прашањата:
- дали равенката f(x)-yo=0 има решение (или не), односно
- дали функцијата f(x)-yo има корен (или не).
Во математиката, освен за полиноми од прв, втор (и трет степен) не постојат аналитики методи за одредување на корен, туку се одредуваат нумерички.
Од сето ова следува дека формално докажување на сурјективност не е едноставно и тоа треба да се земе во обѕир во дискусиите подолу.
Пример: Линеарната функција на било која коса права е сурјективна, односно y=ax+b каде што a≠0 е сурјективна (и инјективна, така да е бијективна). (Види линеарна функција.)
- Доказ: Заменувајќи било кој реален број yo во функцијата и решајќи за x, се добива x= (yo-b)/a така да xo=(yo-b)/a. Со ова се докаже сурјективноста на функцијата y=ax+b каде што a≠0. (Бидејќи има точно едно решение за секој yo, оваа функција е и инјективна.)
- Практичен пример: y= –2x+4. Тука a=–2, a –2≠0. За кој x e y=2? Заменувајќи y=2 во функцијата се добива x=1, т.е. y(1)=2.
Пример: Функцијата f(x)=x3-3x е сурјективна.
- Дискусија: Кубно полинома равенка x3-3x-yo=0 има реални коефициенти (a3=1, a2=0, a1=–3, a0=–yo), а секој кубна полиномна равенка има барем еден реален корен [4]). Меѓутоа, оваа функција не е инјективна. На пример, за yo=2 и x=–1 и x=2 се т.н. „предслики“ и всушност за секој y, –2≤y≤2 функцијата има повеќе од еднa предслика, т.е. повеќе од еден x таков што f(x)=y.
Пример: Квадратната функција f(x) = x2 не е сурјективна. Нема x таков што x2 = −1. Сликата на x² e [0,+∞) , т.е. множеството на ненегативни броеви. (Оваа функција не е ниту инјективна.)
Забелешка: Се разбира дека за секоја несурјективна функција можеме да дефинираме нова сурјективна функција ограничувајќи го кодоменот на сликата. На пример „новата функција“, ''f''<sub>N</sub>(''x''):ℝ → [0,+∞) fN(x) = x2 сега е сурјективна функција. (Ова не е исто со рестрикција на функција во која се ограничува доменот!)
Пример: Експоненцијалната функција f(x) = 10x не е сурјективна. Сликата на 10x е (0,+∞) ≠ ℝ. Меѓутоа, оваа функција е инјективна.
Други примери со реални функции
Пример: Инверзната функција на 10x, односно логаритамската функција со основа 10 f(x):(0,+∞)→ℝ дефиниранa со f(x)=log(''x'' односно y=log(x) е сурјективна (и инјективна).
- Проекцијата на декартов производ A × B на еден од неговите фактори е сурјективна функција.
Пример: Функцијата f((x,y)):ℝ²→ℝ дефинирана со z=y е сурјективна. Графикот е рамнина во 3-димензионален простор, а предслика на zo е правата y=zo во x0y рамнината.
Во 3-димензионални игри, вектори се проектираат на 2-димензионален екран со сурјективна функција.
Наводи
- ↑ Weisstein, Eric. „Surjective function“ (англиски). From MathWorld--A Wolfram Web Resource. Посетено на January 2014. Проверете ги датумските вредности во:
|accessdate=
(help) - ↑ C.Clapham, J.Nicholson (2009). „Oxford Concise Dictionary of Mathematics, Onto Mapping“ (PDF) (English). Addison-Wesley. стр. 568. Посетено на January 2014. Проверете ги датумските вредности во:
|accessdate=
(help)CS1-одржување: непрепознаен јазик (link) - ↑ Miller, Jeff (2010). „Earliest Uses of Some of the Words of Mathematics“ (англиски). Tripod. Посетено на February 2014. Проверете ги датумските вредности во:
|accessdate=
(help);|contribution=
е занемарено (help) - ↑ Tanton, James (2005). „Cubic equation“. Encyclopedia of Mathematics. Facts on File, New York. стр. 112-113. ISBN 0-8160-5124-0. (англиски)
Поврзано
Надворешни врски
- Pierce, R. (2013). „Injective, Surjective, Bijective“ (англиски). Посетено на декември 2013. Проверете ги датумските вредности во:
|accessdate=
(help) интерактивен квиз - „Injectivity, Surjectivity“ (англиски). Wolfram Alpha. Посетено на декември 2013. Проверете ги датумските вредности во:
|accessdate=
(help) интерактивно