Трамвајски превоз во Скопје: Разлика помеѓу преработките

За време на градоначалствувањето на [[Трифун Костовски]] во периодот од 2005 до 2009 година повторно се актуелизира идеата за воведување на трамвајски превоз во Скопје. Трамвајот е замислен како основа на јавниот превоз во Скопје, а автобускиот да го надополнува на најфрекфрентните правци. По пауза од скоро 20 години, градот повторно распишува тендер за идеен проект и предпроектни проучувања за изградба на трамвајска линија на трасата од Ново Лисиче до Ѓорче Петров, преку Центарот. Основната побуда за оваа иницијатива е фактот што на Скопје му е потребен алтернативен јавен градски превоз со поголем капацитет и подобри перформанси од автобускиот. Во правата фаза беше предвидена изградба на трамвајска линија од населбата Ново Лисиче кај крајните станици на линиите 5 и 15 до Центарот на градот кај Градската болница. Трасата долга 9 километри требаше да оди долж булеварите Јане Сандански, К. Ј. Питу се до Народната банка. Понатаму по Кејот 13ти Ноември до хотелот Холидеј Ин и Градската болница. Таму линијата би свртувала по булеварот 11ти Октомври и Кочо Рацин, во близина на Олимпискиот базен. На тој начин се оформува кружно движење на трамвајските возила во центарот на градот.