'''Дијалект''' ({{lang-el|διάλεκτος}}) или '''наречје''' е разновидност на еден [[јазик]] којашто се зборува наBo одредена географска област и којашто не е кодифицирана (за разлика од [[Книжевен јазик|книжевниот јазик]]). Дијалектот се употребува при усно општење, а поретко и писмено. И покрај тоа што дијалектот не е официјално кодифициран, сепак тој си има одредени граматички, фонетички, синтактички и пред сè лексички особености, коишто во помала или поголема мерка го прават поразличен од книжевниот (литературен, стандарден) јазик. Дијалектот на поширока област може да се дели и на поддијалекти, а тие на свои поддијалекти итн.
[[Наука|Науката]] којашто ги изучува дијалектите се нарекува [[дијалектологија]].
