'''Тахо''' ({{lang-es|Tajo}}) или '''Тежо''' ({{lang-pt|Tejo}});<ref>Во антиката: {{lang-la|Tagus}}; {{lang-grc|Τάγος}}, ''Тагос''.</ref> — најдолга [[река]] на [[Пиринејски Полуостров|Пиринејскиот Полуостров]]. Долга е 1.038 км, од кои 716 км се во Шпанија, 47 км долж шпанско-португалската граница и 275 км во [[Португалија]], каде се влева во [[Атлантски Океан|Атлантскиот Океан]] близу [[Лисабон]]. [[Слив]]от зафаќа површина од 80.100 км² (втор по големина на полуостровот, по оној на [[Дуеро]]). Најголемиот дел од течението на реката е добро искористено за стопански цели. Постојат неколку брани и свртници што служат за водоснабдување за средна Шпанија (со [[Мадрид]]) и Португалија, како и десетици [[хидроелектрана|хидроелектрани]] за електростопански потреби. Помеѓу браните, течението е мошне стеснето, но по Алмоурол, реката влегува во огромна наносна долина што често ја поплавува. Устието на [[влив]]от во океанот е во Лисабон.
Реката извира во Фуенте де Гарсија, како и од посебни водотеци на [[Универзални Планини|Универзалните]], [[Ибериски Планини|Ибериските]] и [[Албарасин|Албарасинските Планини]]. Сите поважни притоки се влеваат во реката од десниот брег. Тахо минува низ градовите [[Аранхуез]], [[Толедо]], [[Талавера де ла Реина]] и [[Алкантра]] во Шпанија и [[Абрантес]], [[Сантарем]], [[Алмада]] и Лисабон во Португалија.
