Девизен курс: Разлика помеѓу преработките

Големината на владата, како голем потрошувач, може, исто така, да влијае врз реалниот девизен курс. Владата троши голем дел од своите буџети на нетргувани стоки и услуги (јавни услуги, патишта и други комунални услуги). Бидејки таквата потрошувачка се финансира од даноците наметнати на луѓето кои инаку би трошеле поголем дел од доходот на тргувани стоки, растот на големината на владата влијае за реалокација на домашната апсорпција кон секторот на нетргувани стоки, што ќе доведе до зголемување на нивната релативна цена, т.е. до растот на реалниот девизен курс.▼

Сите „длабоки“ или структурни промени веројатно ќе влијаат врз тековната сметка, а оттаму и врз рамнотежниот реален девизен курс. Сепак, во практика, нарушувањата што се толку силни за да генерираат значајни промени во рамнотежниот реален девизен курс прилично ретки настани. Токму затоа тезата дека реалниот девизен курс останува приближно ист често е добар општ практичен принцип. Но, тогаш треба секогаш да се биде подготвен за можноста од настанување на некоја голема промена. Аргументот за тоа е процесот на приближување, во рамките на кој сиромашните земји успешно влегуваат во фазата на економски полет. Како што тие акумулираат капитал, увезуваат напредна технологија и стануваат попродуктивни, нивните економии поминуваат низ системска трансформација, а како резултат на тоа се јавува континуирана апрецијација на реалниот девизен курс. Ова е познато како [[Баласа-Семјуелсонoв ефект]] (Balassa-Samuelson effect).▼