Изида: Разлика помеѓу преработките

'''Изида''', '''Изис''' или '''Асет''' е [[божица]] на плодноста и мајчинството од [[Египетска митологија|египетската митологија]]. На египетски Aset или Eset - таа припаѓа на [[Енеада]]та од [[Хелиополис]].

 

 

Култот кон Изида главно се развивал во два центри: градот Хелиополис и (нилскиот остров) Фила. Обожувањето во Фила било најактивно на крајот од [[4 век п.н.е.]], за време на 30-тата династија.

Нејзиното име буквално значи [[жена]] на [[трон]], т.е. само „трон“ нешто што е често претставено како [[амблем]] или покривка на глава. Нејзиното име преку [[хиероглифи]]те често се поврзува со светост на историските кралици. Често се прикажува како носи сончев диск и рогови од крава, кои се слични со оние од божицата на љубовта и забавата [[Хатор]]. Често се прикажува и грабливец/лешинар на нејзината круна или пак кралската кобра „Уреус“, која е симбол на [[магија|магиските]] способности (Кундалини).

 

 

 

 

Нејзиното потекло како [[божица]] не е со сигурност откриено, но се верува дека дошла од делтата на [[Нил]]. За разлика од другите фигури во [[египетска митологија|египетската митологија]], таа немала свој култ. Првото споменување за Изида потекнува од петтата династија, но нејзиното присуство се развива многу подоцна. Со време се проширува низ цел [[Египет]], преку [[среден Исток|средниот Исток]] и [[Европа]]. И денес постојат нејзини [[храм]]ови и [[Статуа|статуи]] на пример во [[Обединето Кралство|Обединетото Кралство]], [[Македонија]], [[Грција]] итн.

Како божица таа била добротворка, верна сопруга, чија љубов била насочена кон секое живо битие. Изида, всушност, била најчист пример на љубезна сопруга и грижлива мајка и токму затоа Египќаните најмногу ја почитувале.

 

 

Изида била жена на Озирис и мајка на Хор; како божица на природата имала место во Сончевиот чун (барка) за време на создавањето, кој пловел по првобитната вода, кога веројатно служела како претставничка на зората. Поради нејзината жалост по Озирис кога бил убиен, заедно со својата сестра Нефтида станала божествената оплакувалка на мртвите. Таа, исто така, била позната како Кралица на небото и владателка над сите работи кои се поврзани со животот, мајчинството и волшебството. Таа го излечила Ра кога бил каснат од змија и му го дознала неговото име. Со тоа што му го дознала името добила моќ еднаква на него и и' била дадена голема магиска моќ, па станала „божествената волшебничка“. Исто така, и поради успехот во оживувањето на телото на својот маж со изговарање на магичните формули дадени од Тот, наречена е „господарка на волшебниците“. Изида имала различни видови, но најзастапен вид бил видот „божествена мајка“; во овој вид влегуваат илјадници кипови кои ја претставуваат како седи и го дои својот син Хор, држејќи го на нејзините колена.