Критско востание (1866-1869): Разлика помеѓу преработките

'''Критското востание''' или '''Големата критска револуција''' ([[грчки]]: ''Κρητική Επανάσταση του 1866'') претставувало тригодишно востание на [[Крит]] против [[Османлиската империја]] и власт во периодот од [[1866]] до [[1869]] година.

Во времето на Грчката војна за независност бил зафатен и островот [[Крит]] но и покрај успесите во селата на крајот од војната островот останал египетска провинција како вазалство на Османлиската империја. Во [[1840]] година Крит бил вратен под директна контрола на Османлиите по неуспешното востание на островот кое било подржано од [[Грција]]. По востанието од 1858 година во Крит биле донесени некои привилегии на христијаните како еднаквост меѓу народот, право на вероисповед.<ref name="Tulard114">J. Tulard, ''Histoire de la Crète'', p. 114.</ref>, образование и имот<ref name="Detorakis328">Detorakis, ''History of Crete'', p. 328.</ref>.

Востанието било објавено официјално на [[21 август]] [[1866]] година. Во почетокот востаниците успеале да се стекнат со контрола на голем дел од островот. Во ноември 1866 година голема отоманска војска започнала со опсада на манастирот Аркадиј кој служел како седиште за бунтовниците. Во манастирот се наоѓале 259 востаници и околу 700 жени и деца<ref name="Provatakis68">T. Provatakis, ''op. cit.'', p. 68.</ref>. По неколку денови борба Османлиите влегле во манастирот и ги убиле поголемиот дел од луѓето а оние кои останале живи биле депортирани. Овој настан предизвикал големо внимание кај [[Западна Европа]] и [[Северна Америка]].