Монблан

Мон Блан (фран. Mont Blanc = Бела Планина) (итал. Monte Bianco = Бела Планина) е планина во Алпите со највисок врв во Западна Европа од 4.808м.

Поглед на јужната страна на Мон Блан во ноември, од авион на релација Париз-Торино, со глечерите Бруљар (лево) и Френеј (десно).

Планината се протега помеѓу регионите на долината Аоста во Италија и Високи Савои во Франција. Врвот Мон Блан се наоѓа на границата помеѓу двете земји, иако и едната и другата сакаат да го цртаат на картите како свој. Последен договор за границата е оној помеѓу Франција и Кралството Сардинија кајшто границата е определена на највисоката точка на Мон Блан.

Планината е популарна за планинарење, алпинизам и скијање. Најпознати центри се Шамони и Курмајер.