Металика: Разлика помеѓу преработките

Во мај 1983 Металика заминуваат во [[Њујорк]], за да го снимат својот прв албум, ''Metal up Your Ass'', под продукцентската палка на Пол Курцио. Токму во овој период членовите од бендот одлучуваат да го исфрлат [[Дејв Мастејн]] поради неговото недолично однесување и проблеми со [[алкохол]]от. Испразнетото место на главен гитарист го пополнил [[Кирк Хамет]] од Егзодус. Во почетокот, намерата била албумот да се вика ''Metal up Your Ass'', но поради негодувањето на дистрибутерите да го издадат под тоа име, албумот бил преименуван во [[Kill 'Еm All]]. Издаден преку издавачката куќа Megaforce Records во Америка и [[Music for Nations]] во Европа, албумот се пласирал на 120-то место на Билборд 200. Албумот бил промовиран со турнејата Kill 'Еm All for One. Иако овој проект не бил инстант финансиски успех, барем ја промовирал Металика како нова сила на андерграунд сцената.<ref>Allmusic ''"Анализа на 'Kill 'Em All' од Металика"''[http://www.allmusic.com/album/kill-em-all-mw0000651567 Allmusic Review]</ref>

Вториот студиски албум наречен [[Ride the Lightning]], бил снимен во студиото ''Sweet Silence'' во Копенхаген, Данска. Во продажба бил пуштен во август 1984. За разлика од првиот албум, темпото било забавено, се вметнале акустични гитари, текстовите се занимавале со посериозни теми. Накусо кажано - Металика музички созреале. Познати песни покрај водечкиот синг "''Creeping Death''" се и "''For Whom the Bell Tolls''", "''Fade to Black''" и инструменталката "''The Call of Ktulu''". За разлика од нивниот деби-албум, продукцијата и квалитетот на текстовите во ''Ride the Lightning'' биле на многу повисоко ниво. Ако со [[Kill 'Em All]] го најавиле своето доаѓање, со [[Ride the Lightning]] го зацементирале својот статус на предводници на [[треш метал]] движењето. Позитивните реакции околу новиот албум биле поттик нивното музичко творештво да го подигнат на уште повисоко ниво.<ref>Ultimate Classic Rock ''"Металика го отсвире целиот 'Ride the Lightning' на Орион фестивалот"''[http://ultimateclassicrock.com/metallica-perform-reverse-ride-the-lightning-set-orion-festival/ Ultimate Classic Rock]</ref>

Успехот на втората издадена плоча не минал незабележан. Металика набрзо потпишале договор со ''Електра Рекордс'', а како најава за новиот, трет по ред албум, го реиздале првенчето ''[[Kill 'Em All]]'', со две бонус песни. Во март, 1986 год. бил пуштен во продажба ''Master of Puppets'', кој се нашол на 29 место на Билборд листата на најпродавани албуми во [[САД]]. Денес овој албум се смета дека извршил најголемо влијание врз дооформувањето на [[треш метал]]от, и воедно за најдобро остварување на овој музички колектив. Критичарите и фановите посебно ги истакнуваат брзината и агресивноста на песните, како и феноменалниот перформанс на [[бас]]истот [[Клиф Бартон]]. Песната со носечкиот наслов "Master of Puppets" е изведувана буквално на секој настап во живо, додека моќната [[балада]] "Welcome Home (Sanitarium)" и почетната нумера "Battery" се неизбежен дел од нивната сет-листа.<ref>Song Facts ''"Значење на песните од 'Master of Puppets'"''[http://www.songfacts.com/detail.php?id=2246 Song Facts]</ref>

Во времето кога се снимаше овој албум, меѓу фановите попознат како ''Црниот Албум'', Металика веќе беше етаблирана на [[хеви метал]] сцената. За [[продуцент]] беше назначен Боб Рок, кој претходно соработувал со култни музички имиња како [[Аеросмит]] и [[Бон Џови]]. Овој проект чинеше 1 милион долари и за време на неговото снимање, тројца од членовите на Металика се разведоа. По долго одлагање, плочата излезе во август 1991 год. и дебитираше на местото број 1 во десет земји од [[Европа]] и [[Северна Америка]]. Општо прифатено е мислењето дека овој албум е причината за комерцијализирање на [[хеви метал]] музиката и издигнување на Металика на меинстрим сцената. За овој факт говори и податокот дека вкупно 30 милиони копии се продадени на светско ниво, од кои 16 милиони во САД, што го прави ''The Black Album'' најпродаваниот музички албум во последните 20 години.<ref>Ultimate Guitar ''"Црниот албум најпродавано ЦД во последниве 20 години"''[http://www.ultimate-guitar.com/news/general_music_news/metallica_black_album_is_highest_selling_since_1991.html Ultimate Guitar]</ref>

Во [[2003]], Metallica го издале нивниот долго-одлаган осми студиски албум, насловен ''[[St. Anger]]''. Иако албумот го поларизирал критичкото и јавното мислење, нивната турнеја ''[[Madly in Anger with the World]]'' од 2004 била голем успех, како и документарниот филм ''[[Some Kind of Monster (филм)|Some Kind of Monster]]'' поврзан со снимањето на истоимениот албум. Овој албум бил проследен со многу контроверзи и негодување од фановите поради смената на музичкиот правец и изоставање на гитарските соло делови. Ни музичките експерти не го дочекале со воодушевување новиот музички правец на бендот. И покрај сите јавни критики и остри коментари на нивна сметка, истоимената песна од албумот, "St. Anger" добила [[Греми]] награда во 2004 год. По напорните две години во кои снимиле нов албум и направиле светска турнеја, 2005 била година за одмор на Металика. Одржале само два концерти таа година, додека остатокот го минале во кругот на нивните најблиски.<ref>Eonline ''"Принц : Кралеви на турнеите"''[http://www.eonline.com/News/Items/0,1,15594,00 Metal News]</ref>

Во 2006 год. беше обзнането дека Боб Рок првпат во 15 год. нема да продуцира студиски проект на оваа група, туку таа одговорност ќе ја преземе Рик Рубин. Во 2008 година излезе и последниот досега албум на Металика насловен како „[[Death Magnetic]]“ на кој се појави и третата „верзија“ на познатата песна „The Unforgiven III“. Албумот беше меѓу првите 5 најпродавани музички ЦД-а за таа година, со тоа што во првите три дена успеа да продаде 490 илјади копии. Со тој потфат, Металика стана првиот бенд во модерната музичка историја со пет последователни број 1 албуми. Три години подоцна, за време на јубилејот 30 години од основањето на бендот, Металика ги објавија и четирите песни кои не се најдоа на ова ЦД, како мини-албум насловен ''Beyond Magnetic''. Во декември 2011 год. прославија 30 години успешна кариера со 4 последователни концерти, каде како специјални гости се појавија [[Дејв Мастејн]] (поранешен член), [[Џејсон Њустед]] (поранешен член), Скот Јан (гиратист на Антракс), Џони Буш (вокал на Антракс) [[Ози Озборн]], Апокалиптика, Дајмон Хед и други големи имиња од [[хеви метал]]от.<ref>Ticket News ''"Металика испиша историја со 'Death Magnetic'"''[http://www.ticketnews.com/news/Metallica-makes-history-with-Death-Magnetic-sales9822375 Ticket News]</ref>