Ден на независноста на Македонија: Разлика помеѓу преработките

'''Денот на независноста во Македонија''' е [[државен празник]]<ref>[http://sinbad.mp.com.mk/cit/drzavnipraznici.htm Законот за празниците на Република Македонија]</ref> кој се празнува во [[Република Македонија|Македонија]] на [[8 септември]]. Празникот популарно е наречен и како '''8 семптември'''. Празникот ја означува сувереноста, независноста и самостојноста на [[Република Македонија|Македонија]] и [[Македонци|македонскиот народ]].

На гласањето, според официјалните податоци, од 1.495.626 гласачи излегле 1.132.981 граѓанин со право на глас или 71,85 отсто, а од вкупниот број граѓани кои гласале на Референдумот '''позитивно се изјасниле 1.079.308 граѓани''' односно '''95,09 отсто''' (односно 72,16 % од вкупниот број на граѓани со право на глас). Резултатите само по себе говорат за успешноста на Референдумот. Во официјалниот извештај на Комисијата за спроведување на Референдумот се вели дека за начинот на кој беше спроведен не беа поднесени приговори или жалби поради неправилности или повреди на одредбите на Законот за републички Референдум. Комисијата ја констатирала масовноста на граѓаните со право на глас во Република Македонија кои се изјасниле "за" самостојна и суверена Македонија.

Референдумското изјаснување во соседните земји не наишло на одобрување. [[Атина]] го оценува референдумот како скопска опасност за [[Грција]]. [[Бугарија]] најавува дека ќе ја признае државата, но не и [[македонци|нацијата]], а [[Албанија]] го одобрила бојкотот на [[албанци|албанската етничка заедница]] во земјата. Честитки до претседателот [[Киро Глигоров|Глигоров]] меѓу првите упатил [[Словенија|словенечкиот]] претседател [[Милан Кучан]]. [[САД]] го повториле својот став за политиката на македонскиот државен врв даден пред референдумот во кој изразиле задоволство од нејзиниот умерен пристап и духот на компромис што ги покажувала Македонија. Уставното име на Република Македонија, САД го признаа за време на администрацијата на [[Џорџ В. Буш|Џорџ Буш Помладиот]] на самиот почеток од неговиот втор претседателски мандат во 2004 година.