Јужен Поларник

Јужниот поларен круг (или антарктички круг) е еден од петте главни напоредници на картата на светот. Ова е замислениот обрач што минува на географската ширина од 66° 33′ 44″ (или 66.5622°) јужно од екваторот.

Јужниот поларен круг на карта на светот. Карта на Антарктикот со јужниот поларен круг (сино).

Опис

Подрачјето јужно од јужниот поларен круг е Антарктикот, а подрачјето веднаш на север е јужниот умерен појас. Еквивалентниот напоредник на северната полутопка се нарекува северниот поларен круг (арктички круг).

Секое место јужно од јужниот поларен круг има барем по еден ден во годината со 24-часовна дневна светлина и уште еден со 24-часовна ноќ. Во првиот случај сонцето цел ден не заоѓа, а во вториот цел ден воопшто не изгрева. На поларниот круг ова се случува точно по еднаш годишно, и тоа во декемврискиот и јунскиот сонцестој. Ова се должи на тоа што Земјината оска е наклонета за 23,5 степени во однос на еклиптиката (рамнината по која Земјата се врти околу сонцето). За време на јужниот зимски сонцестој, јужната полутопка е најмногу навалена наназад и со тоа најдалеку од Сонцето. Подрачјето на постојан мрак ја достигнува својата северна граница. При јужниот летен сонцестој, јужната полутопка е во најголема мера навалена кон Сонцето, па така подрачјето на постојан мрак ја достигнува својата северна граница.

Јавувањето на поларниот ден и ноќ се должи и на неколку други фактори, од кои најважни е атмосферското прекршување на светлината, надморската височина на набљудувачот, привиденијата и фактот дека сонцето е топка, а не точка. Привиденијата на Антарктикот се уште поспектакуларни од оние на Акрктикот. Таков пример е низата од привидни залези и изгреви, додека сонцето сето време е всушност под хоризонтот.

Поларниот круг полека се поместува поради постепената промена на наклонетоста на Земјината оска.

Места

Предлошка:Kml Почнувајќи од нултиот меридијан, па на исток, јужниот поларен круг минува низ:

Координати	Земја, територија, море	Бекешки
66°34′S 0°0′E	Јужен Океан	северно од Земјата на Кралицата Мод и островот Ендерби
66°34′S 50°32′E	Антарктик – Enderby Land	полага право Австралија
66°34′S 57°19′E	Јужен Океан	северно од ледниот гребен Амери
66°34′S 82°6′E	Антарктик	полага право Австралија
66°34′S 89°14′E	Јужен Океан
66°34′S 91°29′E	Антарктик	полага право Австралија
66°34′S 92°21′E	Јужен Океан
66°34′S 93°52′E	Антарктик	полага право Австралија
66°34′S 107°45′E	Јужен Океан	заливот Вансен
66°34′S 110°12′E	Антарктик – Вилкесова Земја	полага право Австралија
66°34′S 116°35′E	Јужен Океан
66°34′S 121°31′E	Антарктик – Вилкесова Земја	полага право Австралија
66°34′S 127°9′E	Јужен Океан
66°34′S 129°38′E	Антарктик – Вилкесова Земја	полага право Австралија
66°34′S 136°0′E	Антарктик – Аделина Земја	полага право Франција
66°34′S 138°56′E	Јужен Океан
66°34′S 162°44′E	архипелаг Балени – островот Борадел	полага право Нов Зеланд
66°34′S 162°45′E	Јужен Океан	минува веднаш јужно од островот Аделаида (полагаат право Аргентина, Чиле и Обединето Кралство)
66°34′S 65°44′W	Антарктик – Антарктички Полуостров, Греамова Земја и ледниот гребен Ларсен	полагаат право Аргентина, Чиле и Обединето Кралство
66°34′S 60°21′W	Јужен Океан	минува низ Веделовото Море, па во неименуван дел од океанот

Поврзано

• Северен поларен круг
• Екватор
• Сонцестој
• Осен наклон
• Северен повратник
• Јужен повратник

Надворешни врски

• Јужен поларен круг - официјална страница (англиски)