Joy Division: Разлика помеѓу преработките

'''Joy Division''' бил англиски рок бенд формиран во 1976 во Салфорд, Манчестер. Првично именуван како Warsaw (Варшава), бендот се состоел од Иан Куртис (вокал и повремено гитара), Бернард Самнер ( гитара клавијатура ), Питер Хук ( бас гитара и придружен вокал ) и Стефан Морис ( тапани ).

Joy Division со брзо темпо еволуирал од нивниот првичен панк рок звук во звук и стил кој го водеше пост-панк движењето во доцните 1970ти. Според музичкиот критичар Џон Савиџ, бендот не бил панкерски туку бил директно инспириран од својата енергија. Тие издале деби плоча во 1978 An Ideal for Living (Идеал за живеење) , со што го привлекле вниманието на Тони Вилсон, важен лик на телевизијата во Манчестер. Деби албумот Uknown pleasures (Непознати задволства) бил издаден во 1979 во независното дискографско студио на Вилсон Factory Records и привлекол критичарско одобрување од британскиот печат. И покрај растечкиот успех на бендот, вокалот Иан Куртис бил опседнат со депресија и лични тешкотии, вклучувајќи брак во распаѓање и дијагнозата за епилесија. Куртис се потешко настапувал во живо и често го фаќале напади за време на свирките.

Изведувачите кои имаат вметнато и електронски елементи, како Moby и гитаристот на Red Hot Chili Peppers Џон Фрусканте, да оддале својата почит кон музиката на Joy Division и на влијанието кое било присутно во нивниот материјал. Во 2005 година, Joy Division заедно со New Order биле воведени во британската музичка хала на славни.

Издадени се два биографски филма кои што ги драматизираат Joy Division. Во 2002 година, 24 Hour Party People (24 часа забава),еден вид на фикција, го претстави подемот и падот на Factory Records , кој ги вклучува и членовите на Joy Division како споредни улоги. Тони Вилсон, за филмот рече дека „се е вистина, се е невистина. Не е некаков документарен филм“, инсистирајќи на тоа дека кога се снимал филмот, кога било можно, го ставал митот пред вистината. Филмот од 2007 година Control (Контрола), со режија на Антон Корбијн, е биографијата на Иан Куртис (Сем Рајли) и се базира на биографската книга за починатиот сопруг на Дебора Куртис, Touching from a Distance (Допирајќи од далечина). Control ја имаше својата меѓународна премиера на отворањето на четвртата режисерска ноќ во 2007 година на Канскиот филмски фестива, каде што беше добро примен од страна на критичарите. Таа година Грант Џи го режираше документарниот филм за бендот, едноставно наречен Joy Division.