Шупелката е [[македонски народни инструменти|македонски народен дувачки инструмент]] сличен на кавалот (отворен од двата краја), со исклучок на тоа што шупелката е пократка (240-350 мм). Се прави од [[орев|оревово дрво]], [[дрен (растение)|дреново]], [[јасен|јасеново]] или [[јавор|јаворово]] дрво.
Шупелката свири хроматичка скала (две октави), со исклучок на првата нота од долната октава. Во долниот регистар, шупелката оддава мек и пријатен звук, додека во горниот регистар звукот ѝ е остар и пискав.
Овој инструмент има шест дупки и е стеснет при горниот крај. Се свири со трите средни прста од двете раце и се држи под агол од 45°. Се користи за солистички импровизации како и заедно со други инструменти.
