Градбата се разликува дури и во рамките на [[‘Рбетници|‘рбетниците]]. Така, [[риби]]те имаат најпросто изградено срце. Тоа е цевчесто и во форма на буквата Ѕ, а составено е од преден дел со подебели ѕидови - [[Комора (биологија)|комора]], и од заден дел со потенки ѕидови - [[Преткомора (биологија)|преткомора]]. Меѓу овие два дела има отвори заштитени со [[клапи]], кои не дозволуваат крвта да се враќа назад. Карактеристичен белег е што низ срцето на рибите минува само [[редуцирана крв]] ([[Вена|венска]] крв), која потоа оди да се збогати со кислород во [[жабри]]те, а оттаму се разнесува до целото тело.