'''Драган Ѓаконовски - Шпато''' ([[Скопје]], [[{{роден на|11|март]] [[|1931]]}} - [[Скопје]], [[{{починал на|3|јануари]] [[|1996]]}}), истакнат [[Македонци|македонски]] [[композитор]], [[диригент]] и [[музички аранжер]]. Неговото име ќе остане трајно врежано во историјата на македонската забавна музика, зашто тој е всушност нејзин зачетник. Како автор на бројни забавни мелодии, на аранжмани за забавна и за џез музика на македонската сцена се појави уште во првите повоени години. Бројни генерации се сеќаваат на неговите популарни композиции, како и на првата македонска џез композиција наречена „Тема И“, што тој ја создаде во далечната 1947 година. Беше извонредно надарен музички инструменталист кој формира повеќе оркестри и групи.