Маркова Река: Разлика помеѓу преработките

Маркова Река извира во гребенот на масивот на Мокра Планина (под врвот Пепељак) и протекува во правец кон север добивајќи вода од својата прва лева притока, понорницата Патишка Река. По големиот пад кој го има Маркова Река, таа кај селото [[Маркова Сушица]] во близина на [[Марков Манастир|Марковиот Манастир „Св.Димитриј“]] навлегува во рамничарскиот дел на својата долина, каде нејзиниот тек создава кривулести меандри, во кои често во летниот период губи доста вода во песокот. Во долината на Маркова Река се вливаат нејзините три помали десни притоки Умовска, Цветовска Река и Батинчица. Протекувајќи крај селата [[Варвара]] и [[Батинци]], непосредно кај [[Драчево]], Маркова Река навлегува во Скопската Котлина и течејќи низ својата алувијална раминина во Скопското Поле, кај селото [[Горно Лисиче]] се влева во реката [[Вардар]]<ref name="RL 16"/>.

Својот максимум на водостој Маркова Река го има најчесто во раната пролет во време кога се топат снеговите на [[Караџица]] и [[Мокра Планина]], па тогаш достигнува и пораст на водостојот од 2 ддo 4 метри. Во тој период доста чести се и нејзините излевања и поплави особено на селото [[Батинци]] во чија близина постојат повеќе ископи на песок (бетонски бази) кои го менуваат текот на реката. Најнискиот водостој се забележува во летните сушни денови <ref name="RL 16"/>.