Александар I Епирски

Александар I Епирски (старогрчки: Ἀλέξανδρος Α' της Ηπείρου, 370 - 331 п.н.е.), исто така познат како Александар Молоски (старогрчки: Ἀλέξανδρος ο Μολοσσός), бил крал на Епир (350 - 331 п.н.е.) од Еакидската династија. Како син на Неоптоломеј I и брат на Олимпија, тој бил вујко на Александар Македонски. Во својата младост тој престојувал кај Филип II Македонски. Филип фактички му помогнал да стане крал на Епир, откако го симнал од престолот неговиот вујко Аримба. Кога Олимпија била протерана од страна на Филип II, 337 п.н.е., таа заминала кај нејзиниот брат, и се обидела да влијае на него да му објави војна на Филип.

Филип, го насетил заговорот, и го зајакнал сојузот со Александар I, давајќи ја неговата ќерка (внуката на Александар I) Клеопатра за жена (336 п.н.е.). На свадбената церемонија врз Филип бил извршен атентат од страна на Павзаниј од Орест. 334 п.н.е., Александар I, aна барање на грчките колонии Таранто (во Magna Graecia), заминал за Италија, со цел да им помогне во борбите против неколку Италијански племиња, Луканијанците и Брутиите. После победата над самнијците и Луканијците близу Пестум, 332 п.н.е., тој склопил договор со Римската Република. Успехот сеуште ја следел неговата војска. Тој ја преземал Хераклеја од Луканијците, и Терина и Сипонтум од Бртиите. Но бил измамен од страна на некои луканијанци, намамен близу Пандозија, на брегот на Ахерон, и убиен при обидот да ја премине реката.

Него го наследил неговиот син, Неоптоломеј, и ќерката, Кадмеа.

Надворешни врски

• Lendering, Jona. "Alexander of Molossis". Livius.org, 2004.

Претходник Аримба

Крал на Епир 350– 331 п.н.е.

Наследник Еакиди