Хонда: Разлика помеѓу преработките

Хонда како конструктор во Формула Еден за прв пат влезе во сезоната во 1964 во германското Гран При со Рони Бакнум зад воланот. Во 1965 во тимот дојде Ричи Гинтер и го освои првиот поен за Хонда на белгиското Гран При и исто така и ја донесе првата победа на Хонда на мексиканското Гран При. Во 1967 година таа ја доби својата нова победа во италијанското Гранд При со Џон Суртес како нејзин возач. Во 1968 година Џо Шлесер загина во Хонда RA302 за време на француското Гран При. Оваа трагедија во тркањето заедно со нивната комерцијална потешкотија во продажбата на автомобили во САД, предизвика Хонда да се повлече од сите Мото спортови таа година.

 

 

Хонда се врати во Формула Еден во 1983 со друг партнер во Формула Два ,односно со тимот Спирит, пред нагло да се сврти кон Вилијамс во 1984. Во доцните 1980-ти и раните 1990-ти моќните автомобили на Хонда победија на 6 последователни Формула Еден конструкторни шампионати. Вилијамс Ф1 ја доби круната во 1986 и 1987 година. Хонда повторно стана верна во 1988. Новите партнери, тимот МекЛарен, ги освоија титулите во 1988, 1989, 1990 и 1991. Хонда се повлече од Формула Еден на крајот од 1992та, иако поврзаната Муген-Хонда компанија постоеше се до крајот на 1999 година и воедно победувајќи на 4 трки со Лигер и Јордан Гран Прито.

 

 

За време на 1998 година, Хонда сметаше да се врати во Формула Еден со нејзиниот сопствен тим. Проектот беше прекинат после смртта на нејзиниот технички директор Харви Постлетвајт. Наместо тоа, Хонда се врати како официјален доставувач на мотори за Бритиш Американ Рејсинг (БАР) и Гран Прито на Јордан. Хонда купи акции во БАР тимот во 2004 пред целосно да го купи тимот во 2005 и за прв пат да стане конструктор после 1960тата година. Хонда во 2006 победи на унгарското Гранд При со возачот Џенсон Батон. На 5 декември 2008 беше објавено дека Хонда ќе излезе од Формула Еден со непосреден ефект кој се должи на глобалната економска криза во 2008та. Тимот беше продаден на поранешниот директор на тимот Рос Браун и беше преименуван во Браун ГП а сега веќе Мерцедес Бенз ГП.