Совет на Европската Унија: Разлика помеѓу преработките

'''Советот на Европската Унија''' е законодавно тело на [[Европска Унија|Европската Унија]], што ги претставува земјите-членки. Во него членува по еден министер од секоја земја на ЕУ. [[Претседателство со ЕУ|Претседателството со Советот]] ротира на секои шест месеци. Состаноците на Советот се одржуваат во [[Брисел]] ([[Белгија]]), освен во [[април]], [[јуни]] и [[октомври]] кога состаноците се одржуваат во [[Луксембург]].

Советот е главното тело што донесува одлуки во [[ЕУ]]. Како и [[Европски Парламент|Европскиот парламент]], Советот e формиран со основачките договори во 1950-тите. Тој ги претставува земјите-членки и на неговите состаноци присуствува по еден министер од секоја од владите на одделните земји на ЕУ. Кој министер ќе присуствува на даден состанок, зависи од темите кои се наоѓаат на дневниот ред. Ако, на пример, Советот треба да дискутира на теми од областа на животната средина, на состанокот ќе присуствуваат министрите за животна средина од сите земји- членки на ЕУ и состанокот ќе биде познат под името “Совет за животната средина”. Со односите на ЕУ со останатиот дел од светот раководи “Советот за општи работи и надворешни односи”. Меѓутоа, составот на овој Совет има, исто така, прилично голема одговорност во однос на некои поопшти политички прашања, така што на неговите состаноци присуствуваат разни министри или секретари на држави, според изборот на нивните влади.